Хууль зүй, дотоод хэргийн яамны гадаа хонож, үзэл бодлоо илэрхийлсэн иргэн Д.Отгонтуяаг эрүүгийн хэрэгт яллагдагчаар татсан. Түүнд холбогдох шүүх хурал өнөөдөр Баянзүрх дүүргийн эрүүгийн хэргийн анхан шатны шүүхэд явагдахаар товлогдсон байсан ч хойшилжээ.
Д.Отгонтуяа: Би 2021 оны аравдугаар сарын 5-ны шөнө иргэн Д.Монголхүү, н.Ган-Очир, Чинбат нарыг хууль бусаар хорсоныг эсэргүүцэж хоносон. Маргааш өглөө нь цагдаагийн алба хаагчид намайг ёс бусаар өчиж, мушгиж авч явсан. Энэ үеэр барьж явсан логотой цаасаа яамны хамгаалагчтай булаацалдаж байхад нэг нь нүүр, ам маажчихлаа гэж хэлж байсан. Энэ асуудлаас болоод л шүүх хуралд орохоор болж байна. Тэр хүмүүс миний нүүр лүү цохиод хөхрүүлсэн. Би тэрийг нь тоолгүй л орхисон. Цагдаа нар намайг авч явахдаа гар мушгиад мөр эвгүй болгосон. Гараа ч дээш нь өргөж чадахгүй ийм байдалтай явж байна.
Өнөөдөр би хохирогч байтал шүүх хурал дээр намайг яллагдагчаар дуудаад ял шийтгэл оноох гэж байна. Би ганцаараа дөрөв, таван цагдааг гэмтээнэ гэж байхгүй шүү дээ. Тэр цагдаа нар л харин намайг гэмтээсэн.
Өнөөдөр өмгөөлөгч маань ирээгүй учраас өөр өмгөөлөгч авахаар боллоо. Тэгээд шүүх хурлыг энэ сарын 19-ны 9 цагт болгож хойшлууллаа.
Сэтгэгдэл бичих