Монгол Улсын Ерөнхийлөгчийн зарлигаар “Монгол Улсын Хөдөлмөрийн Баатар” цол хүртсэн Улсын Нэгдүгээр Төв эмнэлэгт түүхт 100 жилийн ойн баярын мэндийг чин сэтгэлийн угаас хүргэе!
100 жилийн түүхийг бүтээж, Монгол Улсын эрүүл мэндийн салбарын “түүчээлэгч” эмнэлэг болон хөгжихөд мэдлэг боловсрол, сэтгэл зүрх, хүч хөдөлмөр, цаг хугацаагаа харамгүй зориулан ажилласан, ажиллаж байгаа үе үеийн ажилтан, эмч, сувилагч, албан хаагчид Та бүхэндээ гүнээ талархал илэрхийлье.
Монгол Улсын анагаах ухааны салбарын хөгжил, дэвшилд шинэ шинэ түүхийг бүтээж олон улсын оношилгоо, эмчилгээний дэвшилтэт арга технологийг тасралтгүй нэвтрүүлэн хөгжүүлж, анхдагчийн нэр хүндээ өндөрт өргөж ирсэн та бүхэнд баярлалаа.
Түүхийн шинэ хуудас эргэлээ. Шинэ зуун жилийг эхлүүллээ. Манлайлагч, тэргүүлэгч хамт олон та бүхэнд ажил, хөдөлмөрийн өндөр амжилт, эрүүл энх, аз жаргал, сайн сайхан бүхнийг хүсэн ерөөе!
Хүндэтгэсэн,
Монгол Улсын Их Хурлын гишүүн, Засгийн Газрын гишүүн, Эрүүл Мэндийн сайд Ж.Чинбүрэн 2025.10.24
Сэтгэгдэл бичих