Энэ удаагийн олимпын наадамд хүндийн өргөлтийн эмэгтэйчүүдийн -87 кг жинд хүч сорьсон Монгол Улсын гавьяат тамирчин М. Анхцэцэг IV байрт шалгарсан юм.
Тэрбээр өнөөдөр олимпын наадамд оролцож ирснээсээ хойш анх удаа EGUUR.mn сайтад ярилцлага өгчээ. Ярилцлагын үеэр “Оролтоо алдан, медалийн үзүүрээс атгаад алдсандаа харамсаж буй агшинг одоо харахаар ямар мэдрэмж төрж байна вэ?”
гэсэн сэтгүүлчийн асуултад “Нэг их аймар харамсаж, хэт их эмзэглэхгүй байна. Өнгөрсөнтэйгээ зууралдаад л байвал урагш алхаж чадахгүй. Мэдээж алдаа, оноогоо сайн дүгнэнэ.
Нэгэнт болоод өнгөрсөн зүйлийг бодоод, тэгсэн, ингэсэн бол гэж бодох тусмаа би шанална. Одоо толгойгоо сайхан сэргээж, амраахыг чухалчилж байна. Гэхдээ л олимпын тухай бодохоор, ярихаар жаахан эмзэг байгаа” гэсэн хариулт өгсөн байна.
Энэ удаагийн олимпын наадамд дөрөвдүгээр байр эзэлснийхээ дараа “Дараагийн олимпоос алтан медаль авч, та нарыгаа баярлуулна” хэмээсэн юм.
Сэтгэгдэл бичих