ЗӨСҮТ-ийн явуулын лаборатори Сэлэнгэ аймгийн Мандал суманд ажиллаж 250 гаруй сорьц шинжилж халдварын тохиолдлыг баталгаажуулсан бол өчигдрөөс Өмнөговь аймгийн Гашуунсухайтын боомтонд шуурхай шинжилгээ хийж эхэлжээ. Цар тахлын үед ЗӨСҮТ-ийн суурин болон явуулын хоёр лаборатори хөдөө, орон нутгийн алслагдсан цэгүүд, боомтуудад шуурхай шинжилгээ хийж ажиллаж байна. ЗӨСҮТ-ийн суурин лабораторид өнөөдрийн байдлаар 14900 гаруй шинжилгээ хийснээс хатуу хөл хорио тогтоосноос хойш 6000 гаруй шинжилгээ хийжээ.
Харин явуулын авто лаборатори нь Замын-Үүдэд таван удаа ажиллаж 1281 сорьц, Баян-Өлгий аймгийн Цагааннуур боомтод ажиллаж 132 сорьцод шинжилгээ хийхэд эерэг хариу хоёр, Сэлэнгэ аймгийн Сүхбаатар суманд ажиллаж 526 сорьц шинжилж 34 эерэг сорьцыг баталгаажуулсан байна. ЗӨСҮТ-ийн явуулын лаборатори орон нутагт PCR оношилгоог шуурхай хийснээр сорьцыг Улаанбаатар хот руу тээвэрлэж цаг алдахаас сэргийлэх, хариу арга хэмжээг шуурхай зохион байгуулах ач холбогдолтой юм.
Сэтгэгдэл бичих