Гадны улсуудад амны хаалт зүүгээгүй иргэдэд ямар шийтгэл оноодог вэ

Коронавирусийн халдвараас урьдчилан сэргийлэх хамгийн энгийн арга хэмжээний нэг бол амны хаалт зүүх юм. Тэгвэл дэлхийн зарим улс оронд амны хаалт зүүгээгүй иргэддээ ямар шийтгэл оногдуулж байгааг орчуулан хүргэж байна. Доорх мэдээллээс харахад дотооддоо коронавирусийн халдвар алдсан улс орнуудын авч буй арга хэмжээ нь зөөвөрлөгдөн ирсэн орнуудтай харьцуулахад илүү чанга байна.

• Катар улсад энэ сарын 15-наас эхлэн иргэд олон нийтийн газарт заавал амны хаалт зүүх журам хэрэгжүүлэхээр болсон. Амны хаалт зүүгээгүй иргэнийг 200,000 риал /$53,000/ хүртэл хэмжээний мөнгөн дүнгээр торгоно.Үүнээс гадна гурав хүртэл жил шоронд хорих, эсвэл энэхүү хоёр шийтгэлийг давхар хүлээх тухай тус журамд дурджээ.
• Кувейт улсад олон нийтийн газраар амны хаалтгүй зорчсон иргэнийг гурван сар хорих ял эсвэл 47 сая төгрөгөөр /$16,200/ торгох шийтгэл оногдуулахаар болжээ.
• Герман холбоонд багтдаг бүх муж өөрийн иргэдэд амны хаалт заавал зүүлгэх журмыг хэрэгжүүлэхээр болсон. Герман даяар иргэд нийтийн тээврийн хэрэгслээр зорчихдоо болон дэлгүүрт үйлчлүүлэхдээ заавал амны хаалт зүүх болж байгаа юм. Дэлгүүрийн ажилтан амны хаалт зүүгээгүй тохиолдолд тухайн дэлгүүрийн эзнийг 15 сая төгрөгөөр /5000 евро/ торгох, мөн иргэн олон нийтийн тээвэрт зорчихдоо амны хаалт зүүгээгүй бол 450 мянган төгрөгөөр /150 евро/ торгох юм.
• Туркменистан улсад маск зүүх, коронавирусийн талаар ярихыг, коронавирус гэдэг үг ч хэлэхийг хатуу хориглодог.
• Казахстан улсад энэ сарын 25-наас эхлэн олон нийтийн газар амны хаалт заавал зүүхийг хуульчилсан. Тус хуулийг зөрчсөн иргэнийг 94 мянган төгрөгөөр /13 890 тенге/, хуулийн этгээдийг 282 мянган төгрөгөөр /41 670 тенге/ торгоно гэж заажээ.
• Вьетнам улсад олон нийтийн газар маск зүүгээгүй бол 13 ам.доллар,  ашигласан маскаа гудамжинд хаявал 212-300 ам.доллароор торгоно.
• Оросын Санкт-Петербург хотод 4000 рубль буюу 156 мянган төгрөг, харин Москва хотод 4000-5000 рублийн торгууль оногдуулна. Түүнчлэн аж ахуйн нэгжийн ажилчид амны хаалт зүүгээгүй тохиолдолд тусгай зөвшөөрлийг нь цуцлах хүртэл арга хэмжээ авахаар болжээ.
• Сингапур улсад амны хаалт зорчих хууль зөрчсөн иргэн $300 ам.доллар.
• Марокко улсад $120 ам.доллар.
• Энэтхэгт $66 ам.долларын торгууль оногдуулна гэж хуульчилжээ.