Сүүлийн үеийн залуусын дунд тренд болоод буй ‘Gangbaу’ хамтлаг ‘Ганган цагаан’ гэж ганган хэмнэлтэй дуу гаргаад зунжин сэвэлзүүлж машины хөгжим, амралт зугаалга дээр амны уншлага болтол нь доргиосон байдаг юм. Шинэ содон ая хэмнэлийг гаргаж ирлээ, Монголын хөгжмийн урсгалд нэгэн ужиг болсон хэв маягийг эвдэж ёстой л чихний бөглөөс мулт татав уу гэлтэй байсан цаг ердөө сарын өмнө.
Гэвч өнөөх дуу нь гадаадын нэгэн цыган гаралтай хамтлагийн аяыг тэр чигээр нь хуулаад эх хэлнээ эвтэйхэн хөрвүүлж хэмнэлд оруулаад мань мэтийгээ хөөрхөн сэвэлзүүлжээ. Ганган цагаан хулгайн дуу байлаа гэх шуумаар үнэнч фэнүүдийнх нь урам хугарч эхлэхтэй зэрэгцээд мөн л ‘MAMA CITA’ гэх өвөрмөц өнгө төрхтэй дууг YouTube сувгаар цацсан даруйд ганган цагааны фэнүүд дахиад л шуур ч эхлэв
Гэтэл MAMA CITA мөн л Quuee White гэх Америк уран бүтээлчийн бүтээлийг тэр чигээр нь хуулаад тавьчихжээ. Монгол залуус дэлхийн хөгжмийн урсгалд цар хүрээгээ тэлж задгай сэтгэж, өөрсдөө зохиогоод хит уран бүтээл гаргах мөн ч хол байна даа гэж хэлмээр. Угаасаа л рок попын ах нар гадны ая хулгайлж нутагтаа хит болгосоор ирсэнийг даган дуурайгаад байвал хэзээ ч хөгжихгүй халтуурны, бартерын одонцорууд хэвээрээ л үлдэх биз ээ.
Ориг хувилбар: Me (feat KyThePharaoh & Denz Beats)
