Хөрөнгө оруулалт
Боловсролын салбарт 2025 онд 1,868.9 тэрбум төгрөгийн төсөвт өртөгтэй нийт 328 төсөл, арга хэмжээ хэрэгжиж байгаа бөгөөд дундаж гүйцэтгэл 65%-тай, 2025 оны 08 дугаар сарын байдлаар 170,7 тэрбум төгрөгийн санхүүжилт олгогдоод байна. Үүнд:
55420 суудалтай ерөнхий боловсролын сургуулийн 119 барилгын дундаж гүйцэтгэл 63%-тай;
15825 хүүхдийн хүчин чадалтай цэцэрлэгийн 108 барилгын дундаж гүйцэтгэл 62%-тай;
3800 хүүхдийн хүчин чадалтай цэцэрлэг, сургуулийн цогцолборын 14 барилгын дундаж гүйцэтгэл 78%-тай;
4200 орны хүчин чадалтай 34 дотуур байрын барилгын дундаж гүйцэтгэл 69%-тай;
750 хүүхдийн хүчин чадалтай спорт заалны 14 барилгын дундаж гүйцэтгэл 70%-тай тус тус үргэлжилж байна.
Барилгын ажлын явц, гүйцэтгэлд захиалагчийн хяналтыг Барилгын хөгжлийн төв, Нийслэлийн Хөрөнгө оруулалтын газар хяналт тавин ажиллаж байна.
Дээрх төсөл, арга хэмжээнээс 2025 онд нийт 72 төсөл, арга хэмжээг бүрэн дуусгаж ашиглалтад хүлээлгэн өгөхөөр төлөвлөсөн. Үүнд:
10830 хүүхдийн суудалтай ерөнхий боловсролын 25 сургуулийн барилга;
3345 хүүхдийн хүчин чадалтай 24 цэцэрлэгийн барилга;
1680 хүүхдийн хүчин чадалтай цэцэрлэг, сургуулийн 6 цогцолборын барилга;
1525 хүүхдийн хүчин чадалтай 12 дотуур байрын барилга;
2 спорт заал… Эдгээр 72 төсөл, арга хэмжээнээс 30 төсөл, арга хэмжээг 2025 оны 09 дүгээр сарын 01-ээс өмнө ашиглалтад хүлээлгэн өгнө.
Улаанбаатар хотод 4720 суудалтай 8 сургууль, 2150 хүүхдийн хүчин чадалтай 13 цэцэрлэг, 1400 хүүхдийн хүчин чадалтай 5 цогцолбор, 1 спорт заалны барилга тус тус ашиглалтад орох боломжтой.
Монгол Улсын засаг захиргаа, нутаг дэвсгэрийн нэгжийн тухай хууль, Сургуулийн өмнөх болон ерөнхий боловсролын хуулиар цэцэрлэг, сургуулийн засвар, тохижилтын ажлыг тухайн орон нутгийн засаг захиргаа хариуцаж ажиллана. Энэ хүрээнд их болон урсгал засварын ажлыг эрчимжүүлж, хичээлийн жил эхлэхээс өмнө дотоод агаарын чанарыг сайжруулж, сурагчдын эрүүл, аюулгүй байдлыг хангаж ажиллахыг орон нутгийн боловсролын сургалтын байгууллагуудад зөвлөж байна.
Сэтгэгдэл бичих