ОХУ-ын Ерөнхийлөгч Владимир Путин Хойд Солонгост айлчилж байна

ОХУ-ын Ерөнхийлөгч Владимир Путин Хойд Солонгост албан ёсны айлчлал хийж байна. Тухайлбал, айлчлалын хүрээнд хоёр орон төлбөр тооцооны системийг хамтран хөгжүүлж, аюулгүй байдлын гэрээ байгуулах талаар хэлэлцэх талаар В.Путины гадаад бодлого хариуцсан зөвлөх мэдээлжээ. Мөн айлчлалтай холбоотойгоор Пёньян дайны асуудалд Москваг дэмжиж буйгаа илэрхийлж, АНУ-ын шахалтаас үл хамаарч нэг талд зогсохоо амласан гэнэ.

Ташрамд дурдахад, Хойд Солонгосын удирдагч Ким Жон Ун өнгөрсөн 2023 оны сүүлчээр Москвад төрийн айлчлал хийсэн. Харин Владимир Путины Пёньянд хийж буй айлчлал нь ОХУ-ын төрийн тэргүүн Хойд Солонгост 24 жилийн дараа айлчилсан явдал болж байгаагаараа онцлогтой аж.