Дэлхий нийтийг цочроосон Covid-19 цар тахал дэгдсэнээс хойш дэлхий даяар 46 сая гаруй хүн халдвар авч, 1,2 сая хүн нас бараад байгаа билээ. Ази европын өндөр хөгжилтэй орнууд ч цар тахлын өмнө хүчгүйдэж нийгэм, эдийн засаг, хүн амын асар их хохирол амсаад байна.
Тэгвэл Монгол Улсыг дотооддоо халдвар алдаагүй цөөхөн орнуудыг нэг бөгөөд, цар тахалын эрсдэлээс шат дараалалтай зөв алхам хийж урьдчилан сэргийлж ард иргэдээ аюулгүй хамгаалж буйг ‘ДЭМБ’ /Дэлхийн эрүүл мэндийн байгууллага/ олон улсад онцолон Монгол улсыг үлгэр жишээ болгон дурьдлаа.
Монгол улсын засгийн газар 2020 оны 4 сарын 29 ны өдөр
‘КОРОНАВИРУСТ ХАЛДВАР /КОВИД-19/-ЫН ЦАР ТАХЛААС УРЬДЧИЛАН СЭРГИЙЛЭХ, ТЭМЦЭХ, НИЙГЭМ, ЭДИЙН ЗАСАГТ ҮЗҮҮЛЭХ СӨРӨГ НӨЛӨӨЛЛИЙГ БУУРУУЛАХ ТУХАЙ’ – xуулийг баталжээ
Улмаар энэхүү хууль нь: Коронавируст халдвар /КОВИД-19/-ын цар тахал /цаашид “цар тахал” гэх/-аас урьдчилан сэргийлэх, тэмцэх, нийгмийн эрүүл мэндийг хамгаалах, хүний эрхэд тодорхой хязгаарлалт хийх, холбогдох шийдвэрийг шуурхай гаргах, нийгэм, эдийн засагт үзүүлэх сөрөг нөлөөллийг бууруулах, зохион байгуулалтын асуудлыг Засгийн газар онцгой журмаар шийдвэрлэхтэй холбогдсон харилцааг зохицуулахад оршиж байгаа билээ.
Энэ тухай УИХ-н гишүүн Ж.Чинбүрэн:
Монгол Улсын Засгийн газар 2020 оны нэг сарын хорин зургаанд хилээ хааж, КОВИД 19 эх орондоо тархахаас сэргийлж чадсан. Зоримог, ухаалаг шийд гаргасан Ерөнхий сайд У. Хүрэлсүх, ЭМ сайд Д. Сарангэрэл нарт ДЭМБ Ерөнхий захирал Др. Теодрос Адханом баяр хүргэж. Дашрамд хэлэхэд, Дэлхийн эрүүл мэндийн байгууллага хил хорио тавих зөвлөмжөө Монгол улсаас дөрөв хоногийн дараа тавьсан гэжээ.
COVID-19-ийн туршлагаас: Монгол улсын хариу арга хэмжээ
Монгол улс 2003 оны SARS, 2009 оны H1N1 томуугийн цар тахлаас хойш Шинэ сэргэж буй халдвар, гамшигтай тэмцэх Ази Номхон Далайн Стратегийн хүрээнд бэлэн байдал, хариу арга хэмжээний чадавхыг бэхжүүлэх, ирээдүйг харсан том ажлыг эхлүүлж, Дэлхийн Эрүүл Мэндийн Байгууллагатай хамтран ажиллаж байна. Коронавируст халдвар (#COVID19) нь улс орны бэлэн байдлын тогтолцоог бодит амьдрал дээр шалгасаар байна. Коронавируст халдвартай тэмцэж байгаа Монгол Улсын туршлагаас энэхүү богино хэмжээний баримтат кинонд үзүүлэв.
Сэтгэгдэл бичих