М.Б нь 2026 оны 1 дүгээр сарын 04-ний өдөр нэг гэр бүлийн хоёр хүн болох жирэмсэн эмэгтэйг 4 настай хүүхдийнх нь хамт амь насыг нь хохироосон, мөн 3 настай хүүхдэд хүнд гэмтэл учруулж, алахыг завдсан хэрэгт Эрүүгийн хуулийн 10.1 дүгээр зүйлийн 3 дахь хэсэг (Бага насны хүүхдийг алах)-т зааснаар яллах дүгнэлт үйлдэж, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд шилжүүлжээ.Прокурор тус хэргийг үйлдсэн этгээдэд бүх насаар нь хорих ялын саналтай шүүхэд шилжүүлсэн байна. Одоогоор шүүх хурлын тов гараагүй байна.
Хэргийг эргэн сануулахад: Нэг гэр бүлийн гурван хүний биед халдаж, найман сартай жирэмсэн эмэгтэй болон дөрвөн настай охины амь насыг хөнөөсөн онц ноцтой хэрэг өнгөрсөн нэгдүгээр сарын 04 /2026.01.04/-ний өдөр Баянзүрх дүүргийн 27 дугаар хороонд гарсан. Хэрэг үйлдсэн этгээд нь сэтгэцийн өөрчлөлттэй хэмээн олон нийтэд мэдээлсэн.
Сэтгэгдэл бичих