УИХ-ын гишүүн С.Эрдэнэбат эмч, багш, ахмадуудын цалин тэтгэвэртэй холбоотой тууштай асуудлыг шийдэхээр зорьж байгаа билээ. Ахмадууд тэтгэврийн зээл 36 сараар авах тал дээр санал бодлоо илэрхийлсээр байгаа бөгөөд тэтгэврийн доод дүнг 1500.000 төгрөг болгохоор жагсаж үзэл бодлоо илэрхийлж шаардсаар байгаа. Тэгвэл өнөөдөр УИХ-ын гишүүн С.Эрдэнэбат өөрийн цахим хуудасдаа дараах байр суурийг илэрхийлжээ.
С.Эрдэнэбат: Ахмад тэтгэвэр зээл Байнга яриад байх хэцүү юм. Ярихгүй байя гэхээр бас болохгүй олон ахмад санал хүсэлт шаардлага тавьж байна.
УИХ ын гишүүний үүрэг бөгөөд УИХ-ын Өргөдлийн байнгын хороо , УИХ-ын Хүний хөгжил, нийгмийн бодлогын байнгын хороо ны гишүүний хувьд тоохгүй хаях эрх байхгүй…
Ахмадууддаа хэлэхэд хувийн банкуудын зээл асуудалд УИХ, ЗГ шууд үүрэг өгөөд шийдүүлчих эрх хэмжээ одоогийн хуулиар хязгаарлагдмал байдгийг ойлгоорой. УИХ, ЗГ зохих арга хэмжээ шийдэл хэрэндээ л авч байна…
Хамгийн сүүлд заавал байлгах нөөцөөс 350 тб чөлөөлж, Тэтгэвэр зээл эрсдэлийг 50% бууруулж банкуудад зээл олгох, хугацаа сунгах, хүү бууруулах боломж олгосон.
МБ, Арилжааны банкууд
1. Энэ зээл асуудлаар ЗГ, Монгол банк, арилжааны Банкууд өөрсдөө оролдоод эхэлснээс болсон шүү дээ.
Тэтгэврийн зээл нэмж олгоход Банкууд батлан даагчийн өндөр шаардлага тавиад эхэллээ гээд ахмадууд бөөн гомдол.
Тэтгэврийн батлан даагч нь төр юм л даа уг нь… Ахмадуудын дийлэнх нь ганц биe амьдардаг. Малчин ахмадын батлан даагч нь байнгын орлогогүй малчин хүүхдүүд байхад байнгын орлоготой байх шаардлага тавьж байгаа нь хатуудаж байх шиг.
Тэтгэврийн зээл 97 % буцаан төлөлттэй Бизнeс болон бусад зээлийг бодвол маш сайн эргэн төлөлт юм.
Бүх ахмад 36 сараар авах гэж байгаа биш. Өвөл идэш, түлээ түлш, өрхийн жижиг аж ахуй гээд цаанадаж Сар шинэ болох гээд хэдэн сарын зээл нэмж авах сонирхол байна. Хясаж боох биш зээлийн үлдэгдэлтэй ахмадуудад заавал зээлээ хааж шинээр авах биш нэмээд хэдэн сарын зээл олгочих хэрэгтэй байх юм даа…
Ахмад тэтгэвэр, зээл, нийгмийн хамгаалал тусламж үйлчилгээний асуудлаар тууштай явнаа.
Сэтгэгдэл бичих