“Ээмэг, бөгж худалдан авах гэсэн боловч залилуулчихлаа” гэх дуудлага мэдээлэл бүртгэгдлээ.
Тодруулбал “Иргэн Э нь 2025 оны 11 дүгээр сарын 23-ны өдөр фейсбүүк орчинд явагдаж байсан шууд дамжуулалт /live/-ын дагуу үнэт эдлэл худалдан авахаар тус шууд дамжуулалтыг явуулж байсан нэр бүхий этгээдийн данс руу 2,500,000 төгрөг шилжүүлэн залилуулсан” гэх дуудлага мэдээллийн дагуу шалгалтын ажиллагаа явуулж байна.
Иргэд Та бүхэн аливаа төрлийн худалдан авалт хийхдээ цахим орчинд явагдаж буй худалдаа, шууд дамжуулалт, танил бус этгээдийн санал болгож буй бүтээгдэхүүн, үйлчилгээний талаар болгоомжтой хандаж, мэдээллийг сайтар нягталсны дараа гүйлгээ хийхийг цагдаагийн байгууллагаас анхааруулж байна.
Сэтгэгдэл бичих