Эрүүгийн цагдаагийн албанаас “И-Март” сүлжээ дэлгүүр, “Покет ББСБ” ХХК-тай хамтран иргэд, олон нийтэд гэмт хэрэг, зөрчлөөс урьдчилан сэргийлэх мэдээллийг илүү хүртээмжтэй хүргэх зорилгоор Баянзүрх дүүргийн 1 дүгээр хорооны нутаг дэвсгэрт байрлах “И-Март” сүлжээ дэлгүүрт “Police Support Zone” буланг байгууллаа.
Энэхүү “Police Support Zone”-оор дамжуулан иргэд хууль, эрх зүйн зөвлөгөө, цахим гэмт хэрэг, зөрчлөөс урьдчилан сэргийлэх мэдээ, мэдээлэл авах, Facebook, Instagram, Gmail зэрэг цахим хаягаа сэргээх, 2 шатлалт хамгаалалт нэвтрүүлэх, хувийн мэдээллээ хамгаалах талаар зөвлөгөө авах боломжтой юм.
“Police Support Zone” нээлтийн үйл ажиллагаа өнөөдөр /2025.11.07/ болж, Кибер гэмт хэрэгтэй тэмцэх газрын Мөрдөн шалгах хэлтсийн дарга, цагдаагийн хошууч Ж.Билгүүтэй, Баянзүрх дүүргийн цагдаагийн газрын Хоёрдугаар хэлтсийн дарга, цагдаагийн хурандаа Э.Бат-Эрдэнэ болон бусад байгууллагын төлөөлөл, удирдлагууд, алба хаагчид оролцлоо.
Амар тайван амьдралын төлөө хамтдаа.
Discussion about this post