ОХУ цөмийн хөдөлгөгч бүхий шинэ төрлийн пуужин туршсан тухай мэдээлэл гарч, дэлхий нийтэд түгшүүр үүсгэв. Барууны хэвлэлүүд уг зэвсгийг “нисдэг Чернобыль” хэмээн нэрлэж байгаа бөгөөд байгаль орчин, аюулгүй байдалд томоохон эрсдэл дагуулах магадлалтай гэж шинжээчид анхааруулжээ.
Украины зүүн фронтод, ялангуяа Донецк болон Запорожь мужийн чиглэлд ширүүн тулгаралт үргэлжилж байна. Сүүлийн өдрүүдэд Украины хэд хэдэн хот эрчим хүчний дэд бүтцээ алдсан бөгөөд ирэх хүйтний улиралд иргэдийн нөхцөл байдал хүндэрч байна.
АНУ болон НАТО пуужингийн туршилтад “гүнээ санаа зовниж” буйгаа илэрхийлсэн бол Европын холбоо нэмэлт хориг арга хэмжээ авч хэрэгжүүлэхийг хэлэлцэж эхэлжээ.
НҮБ энхийн хэлэлцээрийг сэргээхийг уриалж, хүмүүнлэгийн тусламжийг нэмэгдүүлэх шаардлагатайг онцлов.
2025 оны 10 дугаар сарын 27
Эх сурвалж: Al Jazeera, Reuters, The Guardian
Сэтгэгдэл бичих