Камерун улсын Ерөнхийлөгч Пол Бия найм дахь удаагаа сонгуульд ялалт байгуулж, дахин 7 жилийн хугацаанд төрийг удирдахаар боллоо. 92 настай тэрбээр дэлхийн хамгийн өндөр настай төрийн тэргүүнд тооцогддог юм.
Үндэсний сонгуулийн комиссын албан мэдээгээр Бия нийт саналын 68 хувийг авч ялалт байгуулсан гэж зарласан байна. Гэвч сөрөг хүчний намууд болон ажиглагчид сонгуулийн үйл явц шударга, ил тод байгаагүй гэж мэдэгджээ.
Сонгуулийн дараа нийслэл Яунде болон худалдааны төв Дуала хотод иргэд эсэргүүцлийн жагсаал зохион байгуулж, цагдаа, жагсагчдын хооронд мөргөлдөөн гарсан байна.
Олон улсын ажиглагчид энэ үйл явдлыг Африкийн төв бүсийн улс төрийн тогтвортой байдал, ардчиллын ирээдүйд чухал дохио хэмээн дүгнэж байна.
Пол Бия нь 1982 оноос хойш Камеруны төрийн тэргүүнээр ажиллаж байгаа бөгөөд 40 гаруй жилийн турш засгийн эрх барьж буй дэлхийн хамгийн урт хугацаанд суусан удирдагчдын нэг юм.
эх сурвалж: Al Jazeera News
Сэтгэгдэл бичих