Энэ жил нийслэл, орон нутгаас нийт 1000 гаруй оюутан цэргийг хамруулна.
Оюутан цэрэг хөтөлбөрийн бүртгэл маргааш буюу энэ сарын 27-оос гуравдугаар сарын долоон хүртэл явагдана.
Энэ жил нийслэлийн хэмжээнд 700, орон нутгаас 300 гаруй оюутан цэргийг хамруулах бөгөөд бүртгэлийг дүүрэг болон харьяа газрын Засаг даргын тамгын газарт явуулах юм.
Оюутан цэрэг хөтөлбөрт хамрагдах залуус нь 18 настай, магадлан итгэмжлэгдсэн их дээд сургуулийн нэгдүгээр курсийн оюутан, голч дүн 2.8-аас дээш байх зэрэг шаардлагуудыг хангасан байна. Мөн хамрагдах хүсэлтэй залуус дараах бичиг баримтыг бүрдүүлнэ. Үүнд:
Иргэний үнэмлэх
Цэргийн үүрэгтний үнэмлэх
Оюутны үнэмлэх
Эрүүл мэндийн даатгалын дэвтэр /Сүүлийн нэг жил даатгал төлөгдсөн байх/
Сургуулийн тодорхойлолт /Оюутан цэрэг сургалтад хамрагдах зөвшөөрөл/
Сурлагын дүнгийн хүснэгт /гол дүн 2.8-аас дээш байх/
Сургалтад хамрагдахыг хүссэн өргөдөл зэргийг дээрх заасан хугацаанд харьяа дүүргийн Засаг даргын тамгын газарт аваачиж өгнө.
Хамрагдах хүсэлтэй оюутнуудыг журмын дагуу бие бялдар, эрүүл мэндийн үзлэгт хамруулан сонгон шалгаруулалт хийх бөгөөд Оюутан цэрэг хөтөлбөр нь 2014-2016 оноос эхлэн Ерөнхийлөгчийн санаачилгаар хэрэгжиж эхэлсэн юм.
Сэтгэгдэл бичих