Тус арга хэмжээ ирэх сарын 1-3-нд зохиогдох бөгөөд халдварт өвчнөөс сэргийлэх үүднээс тус захирамжийг гаргажээ.
БСШУСЯ-аас өнгөрсөн оноос эхлэн жил бүрийн гуравдугаар сарын эхний долоо хоногт Музейн нээлттэй өдрүүд арга хэмжээг зохиохоор болсон юм.
Энэ нь Соёлын биет өвд тулгуурлан хүүхэд залуучуудад монгол ахуй, өв соёлыг өвлүүлэх, эх оронч үзэл төлөвшүүлэх, нийгмийн хөгжилд музейн оруулах хувь нэмрийг нэмэгдүүлэх зорилготой байна.
Энэ жилийн Музейн нээлттэй өдрүүдийг гуравдугаар сарын 1-3-нд өвлийн цагийн хуваарийн дагуу зохион байгуулах бөгөөд энэ үеэр музейнүүд 10-аас доош насныханд үйлчлэхгүй гэдгээ мэдэгдлээ.
Энэ нь халдварт өвчний тархалтаас сэргийлэх зорилготой бөгөөд музейн үзвэрийн танхимын цэвэрлэгээ үйлчилгээг хоёр цаг тутамд хийж, агаар сэлгэх арга хэмжээ авах чиглэлийг БСШУСЯ-наас гаргажээ.
Одоогоор улсын хэмжээнд 49 музей үйл ажиллагаа явуулж байгаа ба тус музейнүүдэд 200 мянга гаруй эд өлгийн зүйл хадгалагдаж байна.
Сэтгэгдэл бичих