Дэлхийн цаг уурын байгууллага (WMO)-аас мэдээлснээр 2025 оны 9-р сараас эхлэн La Niña нөхцөл үүсэх магадлал 55 хувь, 10-р сараас 12-р сар хүртэл энэ магадлал 60 хувьд хүрч өсөх төлөвтэй байна.
La Niña нь далайн экваторын бүсийн гадаргын температур дунджаас доогуур байх үзэгдэл бөгөөд энэ нь дэлхийн цаг уурт томоохон нөлөө үзүүлдэг. Үүнд:
-
Зарим бүс нутагт бороо ихсэж, үерийн эрсдэл нэмэгдэх
-
Зарим газар ган, хуурайшилт үүсэх
-
Хөдөө аж ахуй, хүнсний үйлдвэрлэлд алдагдал гарах
-
Эрүүл мэндийн салбарт халдварт өвчний тархалт нэмэгдэх
-
Эрчим хүч, усны нөөцийн хомсдол бий болох магадлалтай
Иймд Латин Америк, Зүүн Өмнөд Ази, Африкийн зарим бүс нутгууд болон усны нөөцийн хомсдолтой улсууд илүү их эрсдэлтэй гэж WMO анхааруулжээ.
Цаг уурын байгууллагуудын үзэж буйгаар энэ удаагийн La Niña дэлхий даяар хүнс, ус, эрүүл мэндийн салбаруудад шууд болон шууд бус нөлөө үзүүлж болзошгүй байна.
📌 Эх сурвалж: Дэлхийн цаг уурын байгууллага (WMO), Reuters
Сэтгэгдэл бичих