Нийслэлийн биеийн тамир спортын газар, Нийслэлийн засаг даргын тамгын газар, Монголын хэт холын марафон гүйлтийн холбоо хамтран “Улаанбаатар марафон-2022” олон улсын гүйлтийн тэмцээнийг зохион байгуулж байна.
Энэ жил долоо дахь жилдээ зохион байгуулагдаж байгаа тус арга хэмжээнд Нийслэлийн Агаар, орчны бохирдолтой тэмцэх газрын албан хаагчид амжилттай оролцлоо.
Гүйлттэй холбоотойгоор өнөөдрийг “Автомашингүй өдөр” болгож, 06:00-18:00 цагийн хооронд зарим замын автомашины хөдөлгөөнийг хязгаарлаж байгаа юм.
Марафонд оролцогчид 1.5 км, 5 км, 10 км, 21 км, 42 км-т гүйх юм. 21 км, 42 км-ийн хагас, бүтэн марафонд оролцогчдын амжилтыг олон улсын жишгээр автомат чипээр тодорхойлно.
Гүйлтэд нийт 20 мянга гаруй хүн бүртгүүлсэн бөгөөд гадаадын 26 орны 150 гүйгч оролцож байна.
Сэтгэгдэл бичих