Ардын хувьсгалын 100 жил, Дорнод аймгийн 90 жилийн ойд зориулсан хүчит 128 бөхийн барилдаанд өчигдөр болсон. Тус барилдаанд Дорнод аймгийн Дашбалбар сумын харьяат, улсын харцага Д.Анар түрүүлж, аймгийн арслан Г.Төрмөнх үзүүрлэсэн юм.
Улсын харцага Д.Анар түрүүлснийхээ дараа “Би аймгийнхаа наадамд долоон жилийн өмнө түрүүлж, аймгийн арслан цол хүртэж байсан Энэ жил дахин түрүүлсэндээ баяртай байна. Аймгийнхаа 90 жилийн ойд түрүүлэх зорилготой ирсэн. Нутгийнхаа зон олонд баярлалаа. Та бүхнийхээ итгэл, сэтгэлийн хүчээр өдий зэрэгтэй яваа шүү” хэмээн сэтгэгдлээ хуваалцсан байдаг.
Харин Монголын үндэсний бөхийн холбооноос санамж гаргажээ. Санамжид Хөвсгөл, Дорнод аймагт бөхчүүд цол наймаалцсан тул цол олгохгүй байхаар шийдвэрлэсэн аж. Мөн Дорнод аймагт түрүүлсэн улсын харцага Д.Анарт холбогдох гомдлыг МҮБХ-ны тэргүүлэгчдийн хурлаар хэлэлцэхээр болсон байна.
Барилдааны үед ёс зүйгүй үйлдэл гаргасан хэмээн бөх сонирхогчдод шүүмжлүүлээд байгаа харцага Д.Анар уучлалт гуйжээ. Тодруулбал, тэрбээр “Сайн байцгаана уу. Миний бие наймдугаар сарын 10-нд Дорнод аймгийн цол олгох барилдааны зургаагийн даваанд аймгийн арслан Шинэ-Зоригтой барилдсан. Уг барилдаанд миний бие ёс зүйгүй үйлдэл гаргасандаа аймгийн арслан Шинэ-Зориг болон Дорнод аймгийн зон олон, бөхөд хайртай ард түмнээсээ уучлалт хүсэж байна. Миний бие МҮБХ-оос гаргасан шийдвэр, хариуцлагыг хүндэтгэнэ” хэмээн өөрийн цахим хуудастаа нийтэлжээ.
Уг барилдаанд миний бие ёс зүйгүй үйлдэл гаргасандаа аймгийн арслан Шинэ-Зориг болон Дорнод аймгийн зон олон, бөхөд хайртай ард түмнээсээ уучлалт хүсэж байна.
Сэтгэгдэл бичих