Баянгол дүүрэг олон улсын стандартад нийцсэн түр хамгаалах байртай болж, өчигдөр нээлтийг нь хийсэн байна. Энэ үеэр Хөдөлмөр, нийгмийн хамгааллын сайд А.Ариунзаяа ‘Цаашдаа түр хамгаалах байр байгуулахаас илүүтэй түр хамгаалах байранд ирдэг хүчирхийллийн хохирогчдын тоог бууруулах, хүчирхийлэлгүй нийгмийг бүтээхэд илүү анхаарч ажиллана’ гэжээ.
Түр хамгаалах байр нь тухайн орон нутагт судалгаа шинжилгээ хяналт зохицуулалт хийх, гэр бүлийн оролцоог идэвхжүүлэх, соён гэгээрүүлэх, тэдний эрх ашгийг хамгаалах хүрээнд хохирогчийн амь нас, эрүүл мэнд, аюулгүй байдлыг хангах зорилгоор түр хамгаалан байрлуулах үйлчилгээ үзүүлдэг. Мөн тэднийг нөхөн сэргээж, тайвшруулах, сэтгэл зүйн зөвлөгөө өгөх зорилготой юм.
Сэтгэгдэл бичих