УИХ-ын чуулганы өнөөдрийн хуралдаанаар Авлигын эсрэг хуульд өөрчлөлт оруулах тухай хуулийн 1 дүгээр зүйлд хэсэгчлэн тавьсан Монгол Улсын Ерөнхийлөгчийн хоригийг хүлээж авах эсэхийг хэлэлцэж байна. Хоригийг Монгол Улсын Ерөнхийлөгч өөрийн биеэр танилцууллаа. Тус хуулийн өөрчлөлтөөр АТГ-ын даргыг Ерөнхийлөгчийн санал болгосноор УИХ томилдог байсныг Ерөнхий сайдын санал болгосноор УИХ томилох өөрчлөлтийг хийсэн билээ. УИХ-ын Хууль зүйн байнгын хороо тус хоригийг хүлээж авах шаардлагагүй хэмээн үзсэн. Хэлэлцэж байгаа асуудалтай холбогдуулан гишүүд асуулт асууж, хариулт авч байна.
УИХ-ын гишүүн Ч.Хүрэлбаатар:
Ерөнхийлөгчийн тавьсан гурван хоригийг гурвууланг нь хүлээж авч болохгүй. Авлигатай тэмцэх хуулийг яахаараа Үндсэн хуульд нийцүүлж болдоггүй юм. АТГ-ын томилгоог бүгдийг хийлгэж харцаараа, ааш авираараа хөдөлгөж байдаг тогтолцоотой байх ёстой юм. Хийсэн хулгайг нь хэлж болдоггүй нийгэмд амьдарвал хэзээ шударга ёс тогтох юм. УИХ дээр томилгооны сонсгол хийнэ. Хэн нь хэн бэ гэдгийг УИХ-ын 76 гишүүн яриад гаргаад ирнэ. Түүнээс биш томилогдохдоо огцрох өргөдөл дээрээ гарын үсэг зурчихаад томилогдоод дараа нь юу хэлснийг нь биелүүлдэг АТГ Монголд хэрэггүй. Монгол Улсын төрийн сангийн Монголбанкин дахь данс байдаг. Тэнд оффшорын гэсэн нэртэй нэг ч төгрөг, ам.доллар орж ирээгүй. Ерөнхийлөгчийн яриад байгаа бүгд худлаа. Тухайн үед гадаадад мөнгөө байршуулсан байсан бизнесмэнүүд мөнгөө оруулж ирсэн. Оффшор данснаас нэг ч төгрөг орж ирээгүй. 17 тэрбум ам.доллар оруулж ирж өрийг нь дарна гэсэн амлалтандаа хариуцлагатай хандах хэрэгтэй. Ард түмэнд худлаа мэдээлэл өгч болохгүй Ерөнхийлөгч өө.
Сэтгэгдэл бичих