МҮОНРТ-ийн Үндэсний зөвлөлөөс МҮОНРТ-ийн Ерөнхий захирлын ажлын байранд нээлттэй сонгон шалгаруулалт зарлаж байна. Ерөнхий захиралд нэр дэвшихийг хүссэн Монгол Улсын иргэн нэр дэвшүүлэх тухай хүсэлтээ 2021 оны 2 дугаар сарын 03-ны өдрийн дотор МҮОНРТ-ийн Үндэсний Зөвлөлөөс байгуулагдсан сонгон шалгаруулалт зохион байгуулах ажлын хэсэгт ирүүлэх ажээ.
Нэр дэвшигчид тавигдах шаардлага:
1. Монгол Улсын иргэн;
2. Улс төрийн нам, байгууллагын гишүүн бус байх;
3. Сүүлийн 2 жилд улс төрийн нам, түүний харьяа байгууллагад орон тооны ажил, албан тушаал эрхэлж байгаагүй;
4. Бусад радио, телевизэд хөрөнгө оруулагч, эсхүл сүүлийн хоёр жилийн хугацаанд хөрөнгө оруулагч байгаагүй;
5. ял шийтгэлгүй.
Бүрдүүлж ирүүлэх баримт бичиг:
1. МҮОНРТ-ийн Ерөнхий захиралд нэр дэвшүүлэхээр хүсэлт гаргагчийн анкетыг бөглөж ирүүлнэ. (www.mnb.mn сайтаас татаж авна уу)
2. Иргэний үнэмлэхийн хуулбар;
3. Магистр, эсхүл түүнээс дээш боловсролын зэргийн дипломын хуулбар;
4. Ажил эрхлэлтийг тодорхойлох баримт бичгийн хуулбар;
5. Энэ жагсаалтын 1-д заасан анкетад дурдсан мэдээллийг нотлох бусад баримт бичгийн хуулбар;
6. Нэр дэвшигчид тавигдах шаардлагыг хангаж байгааг нотлох бусад баримт бичгийн хуулбар.
Хүсэлт гаргагч нь доор дурдсан агуулга бүхий мөрийн хөтөлбөртэй байх бөгөөд мөрийн хөтөлбөрөө битүүмжилсэн байдлаар хүсэлтдээ хавсарган ирүүлнэ.
Үүнд:
– МҮОНРТ-ийг хөгжүүлэх бодлого;
– Нэвтрүүлэг, контентын бодлого, чанар, үр нөлөөг сайжруулах санал;
– Менежмент, техник, технологийн шинэчлэлийн бодлогыг боловсронгуй болгох төлөвлөгөө.
Сэтгэгдэл бичих