Монгол улсын Ерөнхийлөгч Х.Баттулга оффшор бүсээс орж ирсэн хөрөнгөөр өрх бүрт нэг сая төгрөгний дэмжлэг үзүүлэх УИХ-ын тогтоолын төсөл өчигдөр өргөн барьсан. Энэ нь ийм хэмжээний мөнгө оффшор данснаас Монголд орж ирсэн гэсэн ойлголтыг нийгэмд төрүүлээд байгаа.
Энэ талаар сангийн сайд Ч.Хүрэлбаатар тайлбар хийжээ. Тэрээр Оффшороос ямар ч мөнгө төрийн санд орж ирээгүй. Оффшороос мөнгө оруулж ирвэл улсын орлого эсвэл тухайн иргэний мөнгө эсэхийг шүүх эцэслэн тогтоох ёстой. Хүний хөрөнгийн өмчлөлийг зөвхөн шүүх л өөрчилнө. Хувь хүний хөрөнгө мөнгийг төрд хуваан авах, дайчлан хураах нь хуулиар маш хязгаарлагдмал. Монгол улс хуульгүй дүрэмгүй улс болчихсон юм уу гэжээ.
Сэтгэгдэл бичих