Ардын хувьсгалын 100 жилийн ой 2021 онд тохиож буйтай холбогдуулан Соёлын яам лого, брэндбүүк бүтээх уралдааныг нийт дизайнер, зураач, уран бүтээлчдийн дунд нээлттэй зарлалаа.
Уралдаанд оролцохыг хүсэгчид Ардын хувьсгалын түүхэн үйл явдлыг бүрэн илэрхийлсэн утга агуулгатай, Дүрслэлийн шийдэлд үндэсний агуулга, орчин үеийн дүрслэх урлагийн элементийг хослуулан шингээсэн, Дүрслэлийн шийдэлд “100 жил” бичвэрийг тусгасан, График дизайныг мэргэжлийн программ дээр хийсэн, Өндөр нягтралтай (300 dpi-аас багагүй алдагдахгүй үндсэн элементүүд тод харагдахаар байх, Хар, цагаан болон өнгөт, өнгөгүй гадаргуу дээр хэвлэхэд тохиромжтой, Бүтээлийн тайлбарыг хавсаргасан зэрэг шаардлагыг хангасан байх ёстой. Уралдаанд нэг оролцогч хэдэн ч загвараар оролцож болно.
Брэндбүүк нь албан бичиг /бланк/, дугтуй календарь, тэмдэглэлийн дэвтэр, үзэг, бал, туг, далбаа, дарцаг, CD ковер, цаасан хайрцаг, уут, аяга, түлхүүрийн оосор гэх мэт бүтээгдэхүүн дээр хэвлэж ашиглах боломжтой байх юм.
Уралдааныг 2020 оны 9 дүгээр сарын 28-ны өдрийн 14:00-17:00 цагийн хооронд Сүхбаатар дүүргийн 7 дугаар хороо, Денверийн гудамж, Соёлын яамны байранд хүлээн авна. Файлаар [email protected] [email protected] цахим хаягт ирүүлэх ба хугацаа хоцорсон материалыг хүлээн авахгүй аж.
Уралдаанд ирүүлсэн материалыг комисс шалгаруулж, нэгдүгээр байр дөрвөн сая төгрөг, хоёрдугаар байр хоёр сая төгрөг, тусгай байр нэг сая төгрөгөөр урамшуулж байр тус бүрт батламж гардуулах юм.
Сэтгэгдэл бичих