Өнгөрсөн долоодугаар сарын 23-24-нд шилжих шөнө ‘Orice’ нэрээр олонд танигдсан реппер М.Алтан-Оргил өндрөөс унаж, гэмтсэн байдалтай эмнэлэгт хүргэгдэн очсон байдаг. Улмаар Гэмтэл, согог судлалын үндэсний төвийн сэхээн амьдруулах тасагт тав хоног хэвтэн эмчлүүлж байгаад гэмтлээ даалгүй нас барсан юм.
Хэргийг Баянгол дүүрэг дэх цагдаагийн нэгдүгээр хэлтэст шалгасан бөгөөд хэргийн шалгалтын ажиллагаа дуусаж, прокурорт шилжүүлж байгаа гэх мэдээллийг эх сурвалж өглөө.
Талийгаачийн үхэлд гаднын нөлөө байгаагүй гэдэг албаны дүгнэлт гарсан гэх ба үүний үхэлтэй холбоотой ямар нэгэн шинэ баримт, мэдүүлэг нэмэгдээгүй гэх мэдээлэл байна.
Харин талийгаачийн ар гэр, ойр дотнынхны зүгээс М.Алтан-Оргилыг бусдын дарамт шахалтад орж, амь насаа алдсан гэдэг байр суурийг илэрхийлж байгаа бөгөөд хэрэг гарсан өдөр хэргийн газарт ажилласан алба хаагчдыг үзлэг, шалгалтаа дутуу явуулсан гэх гомдол гаргаад байгаа аж.
