Мэргэжлийн сумо бөхийн намрын тэмцээн энэ сарын 13-нд Токио хотод эхлэх гэж байна. Өнгөрсөн долоодугаар сарын тэмцээнд баруун өвдгөө гэмтээсэн их аварга Хакухо Намрын тэмцээнд зодоглохгүй байж магадгүй гэнэ.
Миягино дэвжээнээс мэдээлснээр Хакухо өнгөрсөн наймдугаар сард баруун өвдгөндөө мөн архаг гэмтэлтэй зүүн өвдгөндөө мэс засал хийлгэсэн байна.
Одоо их аварга барилдааны бэлтгэл хийж эхлээгүй бөгөөд тэмцээнийг өнжих шинжтэй байна. Яагаад хоёр өвдгөндөө зэрэг мэс засал хийлгэсэн талаар дэвжээний нэгэн ояката ‘Хурдан эдгэрч, дахин барилдахын төлөө’ хэмээн тайлбарлажээ.