Олон улсын тэргүүлэх их сургууль төслийг хэрэгжүүлэгч Монголын хамгийн том Монголын үндэсний их сургууль /МҮИС/-аас “Ковид 19” цар тахлын үеийн эдийн засгийн хүндрэл, хөл хорионы дэглэмийн нөхцөл байдлыг харгалзан сургалтын төлбөрөө 20-60 хувь хөнгөлөн оюутнууддаа бэлэг барьж байна.
Тодруулбал: МҮИС-д шинээр элсэгчдэд ЭЕШ-д 600-аас дээш оноо авсан бол төлбөрийн 60 хувийн хөнгөлөлт эдлүүлэх бол 1-4 дүгээр дамжааны бүх оюутнууддаа 2020.09.10-наас өмнө төлбөрөө төлсөн тохиолдолд 20 хувийн хөнгөлөлт эдлүүлэхээр шийдвэрлэжээ.
Дэлхийд нэрээ дуурсгах хүчирхэг монгол залуусыг бэлтгэх зорилготой МҮИС нь 15 мянган оюутан, 700 гаруй эрдэмтэн багштайгаар олон улсад хамгийн эрэлттэй 250 гаруй мэргэжлээр боловсролын бүхий л үе шатны сургалтын үйл ажиллагааг 22 дахь жилдээ амжилттай явуулж байна.
Энэ жилийн хувьд МҮИС нь олон улсын тэргүүлэх их сургууль төсөл болон бүтээн байгуулалтад түлхүү анхаарч ажиллажээ.
Энэ тухай МҮИС-ийн Маркетингийн албаны дарга Ц.Отгонбанди танилцуулахдаа “МҮИС нь олон төсөл, бүтээн байгуулалтаар оюутнууддаа бэлэг барьж байна. Бид Монгол Улсад анх удаа их сургуулийн хотхон хэлбэрээр үйл ажиллагаа явуулдаг. Шинэ бүтээн байгуулалтаас дурдвал 700 хүний “Эвент холл” буюу олон улсын хурал зөвлөгөөн зохион байгуулах боломжтой танхимыг ашиглалтад орууллаа. Дэлхийн тэргүүлэх их сургуулиудын нэгэн адил 15 давхар 200 ортой нэгдсэн эмнэлэг ашиглалтад орж байгааг дуулгахад таатай байна. Мөн олон улсын стандартын дагуу тав тухтай орчин бүрдүүлсэн 24 цагийн үйл ажиллагаатай 40.000 номын фондтой Азид хоёрт орох номын санг ашиглалтад өглөө. Түүнчлэн 24 цагийн харуул хамгаалалттай, өрөө болгондоо гал тоо, бие засах өрөөтэй эрэгтэй, эмэгтэй үндсэн орцтой оюутны орон сууцыг Монголдоо анх удаа ашиглалтад оруулсан. 250-300 машины авто дулаан зогсоолыг ашиглалтад оруулсан гээд бүтээн байгуулалтын өрнүүн амжилтаар 2020-2021 оны хичээлийн жилийг угтаж байна” хэмээсэн юм.
