Бүх шатны сургалтын байгууллагын хичээлийг есдүгээр сарын 01-ний өдрөөс үе шаттай эхлүүлэх УОК-ын шийдвэрийг Засгын газрын хуралдаанаар хэлэлцэн дэмжсэн билээ.
Үүний дагуу:
- Цэцэрлэг, Ерөнхий боловсролын сургуулийн хичээл 09 дүгээр сарын 01
- Мэргэжлийн сургалт үйлдвэрлэлийн төвийн хичээл 09 дүгээр сарын 14
- Их, дээд сургууль, коллежийн хичээл 10 дугаар сарын 05-ны өдрөөс эхлэх боллоо.
Хичээлийг танхимын болон теле хичээл, цахим гэсэн хосолсон хэлбэрээр явуулахаар болсон байна. Нэг ангид 20 хүүхдээс ихгүйгээр танхимын сургалтыг хэрхэн хийх талаар БСШУЯ-ны Ерөнхий боловсролын бодлогын газрын дарга Т.Ням-Очироос тодрууллаа.
Жишээ нь математикийн хичээл өмнө нь долоо хоногт 5 цагаар судлагддаг байсан бол одоо 2-3 цаг судлах байдлаар хөтөлбөрт оруулжээ.
ЕБС-иуд гурван өдөр танхимаар, хоёр өдөр цахимаар хичээл ороход эргэлзэж байна. Үүнийг энгийнээр тайлбарлавал өмнө нь 40 сурагчтай 11-р ангийн хүүхдүүд өглөө 08:00 цагаас эхлэн 7 цагийн хичээлээ судлаад 13:30 цагт тардаг байсан. Одоо шинэ зохицуулалтаар тухайн 40 хүүхэдтэй хоёр дэд бүлэг болж хуваагдана. Эхний бүлэг нь 08:00-10:30, дараагийн бүлэг 11:00-13:30 хүртэл хичээллэнэ гэсэн үг юм. Ийм зохицуулалтыг хийх юм.
Эхний бүлэг нь Даваа гарагт хичээллэсэн бол дараагийн бүлэг нь Мягмар гараг хичээллэх гэх мэтээр долоон хоногийн гурван өдрийг танхимын сургалт хийх зохицуулалтаар шийдвэрлэсэн гэлээ.
Боловсролын хүрээлэнгээс арга зүйн зөвлөмжийн хамт хичээлүүдийн гол тулгуур агуулгуудыг боловсруулан гаргажээ. Өөрөөр хэлбэл хичээлүүдийн аль агуулгыг танхимын сургалтдаа багтааж, алийг нь теле хичээл буюу зайны сургалтын агуулгадаа багтаах арга зүйг нь боловсруулжээ.
