АНУ, Израил Иранд цохилт өгсний дараах геополитикийн нөхцөл байдлын улмаас дэлхийн зах зээлд түлшний үнэ өсөөд буйтай холбоотойгоор Japan Airlines болон All Nippon Airways компаниуд түлшний нэмэгдэл хураамжаа нэмэгдүүлэхээр болжээ.
Энэ талаар Yomiuri Shimbun сонин мэдээлсэн байна.
Тус мэдээлэлд дурдсанаар, түлшний нэмэгдэл хураамжийг ирэх зургаадугаар сараас эхлэн 50 хувиас бараг 100 хувь хүртэл нэмэгдүүлэхээр төлөвлөжээ. Тодруулбал:
- Япон–Хятадын чиглэлд 52–68 хувиар нэмэгдэж, 12,400–14,300 иен (78–90 ам.доллар)
- Европ болон Хойд Америкийн чиглэлд 72 хувиар өсөж, 50,000–55,000 иен (315–345 ам.доллар)
- Алс Дорнодын бүсийн нислэгүүдэд 97 хувь буюу бараг хоёр дахин нэмэгдэж, 5,900–6,500 иен (37–40 ам.доллар) болох төлөвтэй байна
Шинжээчдийн үзэж буйгаар, ийнхүү тасалбарын үнэ өсөх нь зорчигчдын эрэлтийг бууруулж, улмаар Японыг зорих жуулчдын тоо цөөрөхөд нөлөөлж болзошгүй юм.
Сэтгэгдэл бичих