АНУ-ын Нью-Йорк муж дахь Корнеллийн их сургуульд 100 хувийн тэтгэлгээр суралцаж байсан Монгол Улсын иргэн Э.Билгүүнд 8 жилийн хорих ял оноосон талаар Cornell Daily Sun мэдээлжээ.
Тэрбээр 2024 оны есдүгээр сард Корнеллийн их сургуулийн эмэгтэй оюутны байранд хууль бусаар нэвтэрч, биеэ удирдах чадваргүй байсан эмэгтэй оюутанд бэлгийн хүчирхийлэл үйлдсэн хэрэгт буруутгагдан шалгагдаж байсан юм.
Шүүхээс 2024 оны арваннэгдүгээр сард:
-
Нэгдүгээр зэргийн хүчингийн хэрэг
-
Хоёрдугаар зэргийн орон байрны хулгайн гэмт хэрэг
үйлдсэн гэм буруутайд тооцсон байна.
Харин ял оноох шүүх хурал саяхан болж, шүүхээс Э.Билгүүнд:
-
8 жил хорих ял
-
суллагдсаны дараа 10 жилийн хугацаанд хяналтад байх (post-release supervision) шийтгэл тус тус оноожээ.
Тэрбээр АНУ-д нэр хүндтэйд тооцогддог Корнеллийн их сургуульд бүрэн тэтгэлгээр суралцаж байсан нь олны анхаарлыг татаж байна.
Эх сурвалж: Cornell Daily Sun
Сэтгэгдэл бичих