Улсын хэмжээнд энэ хоёрдугаар сарын 24-ний өдөр орон сууцны зориулалттай байшин шатсан хэд хэдэн дуудлага Онцгой байдлын байгууллагад бүртгэгдэж, алба хаагчид шуурхай ажиллан галыг унтраажээ.
Тухайлбал, нийслэлийн Сонгинохайрхан дүүрэг-ийн 24 дүгээр хороонд байшин шатаж байна гэсэн дуудлага 09:00 цагт Онцгой байдлын газарт ирсэн байна. Дуудлагын дагуу тус дүүргийн Онцгой байдлын хэлтсийн 29 дүгээр ангийн алба хаагчид очиход иргэн Г-ийн 6х8 метрийн хэмжээтэй байшингийн дээврийн хэсэг шатаж байсныг унтрааж, галын тархалтыг зогсоожээ.
Мөн өдрийн 16:14 цагт Сэлэнгэ аймаг-ийн Хүдэр сум-ын 2 дугаар багийн нутагт байрлах хоёр давхар, 24х12 метрийн хэмжээтэй байшинд гал гарсан тухай дуудлага ирсэн байна. Онцгой байдлын газрын Хүдэр сум дахь Эрэн хайх, аврах салбарын алба хаагчид очиход уг барилгын нэгдүгээр давхрын 12 м.кв талбай бүхий ханын хэсэг шатаж байсныг шуурхай ажиллан унтраасан байна.
Түүнчлэн орой 20:50 цагт Хөвсгөл аймгийн Тосонцэнгэл сумын Цэнгэл баг, Баян-Улаан хорооллын 9 дүгээр гудамжинд байшин шатаж, хажуу айлын хашаа руу гал тархах эрсдэл үүссэн тухай дуудлага иржээ. Онцгой байдлын газрын 27 дугаар ангийн алба хаагчдыг очиход иргэн У-ийн 8х8 метрийн байшин, “Toyota Prius-20” загварын суудлын автомашин, мөн иргэн Ш-ийн 4х3 метрийн хэмжээтэй амбаар шатаж байсныг унтраан, галын тархалтыг зогсоосон байна.
Мөн шөнө 22:46 цагт Архангай аймаг-ийн Эрдэнэбулган сум-ын Цагаан баг, Цагаан даваа хорооллын 26 дугаар гудамжинд байшин шатаж байна гэсэн дуудлага иржээ. Тус аймгийн Онцгой байдлын газрын 51 дүгээр ангийн алба хаагчид очиход иргэн Б-ийн 8х8 метрийн хэмжээтэй байшингийн тааз, цонх болон доторх эд зүйлс шатаж байсныг унтрааж, галыг бүрэн хяналтдаа авсан байна.
Алба хаагчид дээрх тохиолдлуудад галын тархалтыг богино хугацаанд хязгаарлаж, ойр орчмын айл өрхүүдэд аюул учрахаас сэргийлжээ. Галын шалтгаан нөхцөлийг холбогдох байгууллагууд тогтоохоор ажиллаж байна.
Сэтгэгдэл бичих