Шүүх шинжилгээний байгууллагын төв, орон нутгийн удирдах ажилтнуудын нэгдсэн сургалт зөвлөгөөнд өнөөдөр (2026.02.13) Хууль зүй, дотоод хэргийн сайд Б.Энхбаяр оролцож, үг хэллээ.
Тэрбээр хэлсэн үгэндээ Шүүх шинжилгээний байгууллага бэхжиж, чадваржих нь хэрэг, маргааныг үнэн зөвөөр шийдвэрлэхэд чухал ач холбогдолтойг онцлоод салбарын сайдын хувьд төсөв, хүний нөөц, нийгмийн хамгаалал, боловсон хүчнийг бэлтгэхэд бүх талаар дэмжиж ажиллахаа илэрхийлэв.
Сүүлийн жилүүдэд Монгол Улсын хилээр мансууруулах эм, сэтгэцэд нөлөөт бодисыг хууль бусаар нэвтрүүлж, энэ төрлийн гэмт хэрэг нэмэгдсэн. Үүнтэй холбогдуулан Шүүх шинжилгээний байгууллагын Химийн шинжилгээний лабораторид нэн шаардлагатай байгаа мансууруулах эм, сэтгэцэд нөлөөт бодис илрүүлэх, шинжлэх сүүлийн үеийн, дэвшилтэт тоног төхөөрөмж, багаж, хэрэгсэл худалдан авахад зарцуулагдах санхүүжилтийг шийдвэрлэжээ.
Тус сургалт, зөвлөгөөнд Хууль зүй, дотоод хэргийн яамны Бодлогын хэрэгжилтийг зохицуулах газрын дарга П.Оростогоо болон Шүүх шинжилгээний ерөнхий газрын даргын зөвлөлийн гишүүд, аймаг, орон нутгаас хүрэлцэн ирсэн удирдах ажилтнууд оролцлоо.
Сэтгэгдэл бичих