Италийн нэрт жүжигчин Monica Bellucci-г монгол үндэсний хувцастайгаар дүрсэлсэн зураг, хиймэл оюун ухаанаар бүтээсэн визуал контентууд “2026 Winter Olympics” буюу Милан–Кортинагийн өвлийн олимпын бэлтгэл ажлын үеэр цахим орчинд өргөн тархаж, олны анхаарлыг татаж байна.
Соёлын өв, үндэсний хувцас загварыг олон улсын алдартнуудын дүр төрхтэй хослуулсан энэхүү бүтээлүүд нь бодит үйл явдал бус ч Монгол дээл, эмжээр, толгойн гоёлын хийц загварыг дэлхийн хэмжээний оддын имижтэй уялдуулан харуулснаараа хэрэглэгчдийн сонирхлыг ихэд татжээ. Ялангуяа Милан хот нь дэлхийн загварын төвүүдийн нэг учраас Монгол хувцасны өвөрмөц хэв маягийг европ тансаг стильтэй холбосон дүрслэлүүд илүү өргөн хандалт авч байна.
Сошиал орчинд түгсэн эдгээр зураг, постерууд нь Монгол үндэсний хувцасны өнгө, хатгамал, эсгүүрийн онцлогийг олон улсад сурталчлах нэг хэлбэр болж буйг соёл судлаачид онцолж байгаа юм. Олимпын наадмын уур амьсгал дунд үндэсний өв соёлоо уран бүтээл, дижитал арт хэлбэрээр таниулж буй нь соёлын зөөлөн хүчний нэг илрэл хэмээн үнэлэгдэж байна.Үүнтэй холбоотой Италийн алдартнууд сонирхох болжээ.
Сэтгэгдэл бичих