2025 оны 10-р сарын 13-нд Мадагаскар улсад цэргийн эргэлт гарч, төрийн эрхийг зэвсэгт хүчний командлал гартаа авлаа. Улсын Ерөнхийлөгч Андри Ражоэл инаг албан үүргээсээ түр холдон гадаад руу гарсан тухай эх сурвалжууд мэдээлж байна.
Парламент өмнөх өдөр Ерөнхийлөгчийг огцруулах шийдвэр гаргасны дараа улс оронд үймээн самуун нэмэгдэж, нийслэл Антананариву дахь төрийн ордон болон гол барилгуудыг цэргийнхэн бүсэлсэн байна.
Цэргийнхэн “Үндэсний тогтвортой байдлыг хангах түр хяналтын зөвлөл” байгуулснаа зарлав.Үндсэн хуулийн зарим заалтыг түр түдгэлзүүлж, олон нийтийн цугларалтыг хориглолоо.Хотын гол замууд хаагдаж, интернетийн хандалт хязгаарлагдсан талаар иргэд мэдээлж байна.Олон улсын байгууллагууд Мадагаскарт ардчиллын тогтолцоо алдагдах эрсдэлийн талаар анхааруулга гаргав.
Харин энэ талаар бусад улс орон:
-
Африкийн Холбоо “цэргийн замаар төрийн эрх солигдсоныг хүлээн зөвшөөрөхгүй” хэмээн мэдэгдэж, яаралтай хурал зарлалаа.
-
НҮБ тайван замаар шийдвэрлэхийг уриалан, энгийн иргэдийн аюулгүй байдалд анхаарал хандуулахыг хүсэв.
-
Зарим барууны орнууд дипломат төлөөлөгчдийг хамгаалах онцгой горимд шилжсэн байна.
Дараагийн алхмууд тодорхойгүй байна. Цэргийнхэн түр засгийн бүтэц, сонгуулийн шинэ журам боловсруулна гэж мэдэгдсэн ч хугацаа, нөхцөлийг тодорхой зарлаагүй байгаа нь олон улсын анхаарлыг татаад байна.
Эх сурвалж: Al jazeera
Сэтгэгдэл бичих