АНУ-ын Ерөнхийлөгч Дональд Трамп Газад зарлагдсан энхийн төлөвлөгөөг “АНУ-ын дипломат бодлогын түүхэн амжилт” хэмээн онцлон мэдэгдлээ. Цус асгаруулсан зөрчил үргэлжилж, олон улсын нийтлэг байр суурь тодорхойгүй байсан энэ үед АНУ-ын зуучлалаар эхний шатны гэрээ биелж эхэлсэн нь дэлхийн анхаарлыг татаж байна. АНУ-аас зарласан гол хэсгүүд:
-
Израиль болон Хамасын хоорондын гал зогсоох дэглэмийг үргэлжлүүлэхийг АНУ дэмжиж байгаагаа илэрхийлэв.
-
Хэлэлцээрийн хүрээнд барьцаалагдсан 20 хүн суллагдаж, харин Израиль Палестины 2,000 орчим хоригдлыг сулласан нь дипломат үйл явцын эхний алхам гэж үнэлэгдэж байна.
-
Ерөнхийлөгч Трамп “Энхийн эхлэл тавигдсан бол бид үүнийг зогсоох ёсгүй” гэж мэдэгдсэн.
-
Европын холбоо хэлэлцээрийн явцыг анхааралтай ажиглаж, “хүчний бус замаар шийдвэрлэх нь нэн чухал” гэж мэдэгдлээ.
-
НҮБ хэлэлцээрийг дэмжиж буйгаа илэрхийлсэн ч ирээдүйн алхмууд тодорхойгүй байгааг онцлов.
-
Ойрх Дорнодын зарим улс гэрээг болгоомжтой хүлээн авч, “АНУ энэхүү үйл явцад төв байр суурь эзэллээ” гэж дүгнэж байна.Шинжээчдийн үзэж буйгаар, хэлэлцээрийн дараагийн шат нь Газагийн засаглалын тогтолцоо, цэргийн хяналт, олон улсын хяналтын механизм зэрэг асуудалд төвлөрч магадгүй байна.эх сурвалж: reuters
Сэтгэгдэл бичих