Засгийн газрын өнөөдрийн /2022.01.12/ ээлжит хуралдаанаар Ерөнхий сайд Л.Оюун-Эрдэнэ гадаадаас ирж байгаа иргэдийг гурав хоногт тусгаарладаг журмыг цуцлах чиглэлийг Улсын Онцгой комиссын дарга, Шадар сайд С.Амарсайханд өгсөн.
Тэгвэл Шадар сайд С.Амарсайхан ‘Гадаадаас ирж байгаа иргэдийн арванхоёрдугаар сарын 25-наас эхэлж гурав хоног тусгаарлаж эхэлсэн. Тэр үед халдварын тархалт өндөр, омикрон хувилбар тархаагүй, дэгдээгүй байхад авсан арга хэмжээ. Энэ тодорхой хэмжээнд үр дүнгээ өгсөн гэж бодож байна. Цөөнгүй тохиолдол илэрсэн. Цаашдаа гурав хоног тусгаарлаад байхгүй. Гэхдээ гурван тунд хамрагдсан байх ёстой, гэртээ өөрсдийгөө гурав хоног тусгаарлаж, хаана хаанаа хариуцлагатай байх ёстой гэж үзсэн. Тиймээс Засгийн газраас дээрх шийдвэрийг гаргасан гэж ойлгож болно’ гэх мэдээллийг хэвлэлийнхэнд өглөө.
Сэтгэгдэл бичих