Засгийн газрын хуралдаанаар Нийслэлийн эрх зүйн байдлын тухай хуулийн төслийг хэлэлцэж, УИХ-д өргөн мэдүүлэхээр болжээ. Энэ талаар нийслэлийн Засаг дарга бөгөөд Улаанбаатар хотын захирагч Д.Сумъяабазар мэдээлэл хийлээ.
Ингэхдээ “Гандан орчмын бүсийг автомашингүй бүс болгохоор төлөвлөж байгаа. Үндэсний хэв шинжээ хадгалсан аялал жуулчлалын төв болгоно гэж хотын удирдлагууд төлөвлөж байгаа. Одоогийн байдлаар Гандан орчимд 55.8 га газарт гэр хороолол бий. Бид үүний 13.7 га-д нь төлөвлөлт хийнэ гэж тооцсон. 10-аас дээш жил болсон айлууд нь газраа өмчлөөд авчихсан байдаг. 200 метр квадрат газар нь зах зээлийнх нь үнээр тооцвол 400 орчим сая төгрөг. Тэгэхээр нэг айлын 0.7 га газар нь тэрбум орчим төгрөг болох тооцоо бий. Айл өрхүүдтэй хэлцэлд орох ажил бидний өмнө байна” гэлээ.
Сэтгэгдэл бичих