Хөвсгөлийн Улсын тусгай хамгаалалттай газрын хамгаалалтын захиргаанаас Хөвсгөл нуурын эрэг орчимд үйл ажиллагаа эрхэлж буй аж ахуйн нэгжүүдэд хяналт, шалгалт хийсэн ба эргүүл хяналтаар Хөвсгөл нуурын баруун эрэгт байрлах Далай ээж 1, Далай ээж 2 зочид буудал нь бохир усаа насосоор татан, урсгаж, нуурыг бохирдуулж байна гэх мэдээллийг бид өмнө нь хүргэж байсан билээ. http://todmedee.mn/9242.html
Ингээд дээрх зөрчилд зохих арга хэмжээг авч, үйл ажиллагааг нь зогсоосон бөгөөд холбогдох хуулийн байгууллагад зөрчлийг шилжүүлэхээр ажиллаж байгаа аж. Мөн Хөвсгөлийн Улсын тусгай хамгаалалттай газрын хамгаалалтын захиргаанаас цаашид хяналт шалгалтыг үргэлжлүүлэн ажиллана хэмээн мэдээллээ.
