Ямайкийн домогт тамирчин найман удаагийн олимпын аварга Усэйн Болт коронавирусын шинжилгээ өгснөөр хариу нь эерэг гарчээ. Тамирчин энэ тухай наймдугаар сарын 24-ний Даваа гарагт өөрийн Инстаграм хуудсандаа зарласан байна.
Тэрээр “Би Бямба гаригт шинжилгээ өгсөн. Миний хариу эерэг бөгөөд коронавирустай гэж гарсан, Би хянамгай байж, тусгаарлалтдаа хариуцлагатай хандан шүтэн бишрэгчдийнхээ итгэлийг алдахгүй” мөн өвчин нь асимптоматик шинж чанартай гэж тэрээр нэмж хэлжээ. Болт гурван жилийн өмнө Лондонд болсон дэлхийн аварга шалгаруулах тэмцээнд оролцсоны дараа хөнгөн атлетикийн карьераа орхисон юм. Тэрбээр гурван олимпд дараалан 100, 200 метрийн зайд түрүүлж чадсан цорын ганц тамирчин юм.
