Мэргэжлийн боксын IBO (International boxing organization) холбооны 57.2 кг жингийн Дэлхийн аварга болж, WBC (World boxing council) холбооны 57.2 кг-ийн жинд Дэлхийн аварга цол, бүсний төлөөх тулаанд өнгөрсөн хоёрдугаар сард тоглож, оноогоор ялагдсан билээ.
Мэргэжлийн боксын WBC, WBA, IBF холбоод өнгөрөгч наймдугаар сарын 18-нд шинэчилсэн чансаагаа танилцууллаа. WBC холбооны хөнгөн жингийн чансааг Монгол Улсын гавьяат тамирчин, Олимпийн мөнгөн медальт Нямбаярын Төгсцогт тэргүүлж эхэлжээ. Харин Гари Рассел Жр аваргын бүсийг эзэмшигч гэдэг утгаараа энэхүү чансаанд эрэмбэлэгдээгүй байна.
Өдгөө 28 настай Н.Төгсцогтын хувьд одоогийн байдлаар мэргэжлийн бокст 12 тулаан хийж, 11 ялж, ганцхан ялагдсан үзүүлэлттэй байна. Н.Төгсцогт ирэх есдүгээр сарын 19-нд Мексикийн боксчин Эдуардо Рамирезтай тулалдахаар товлогдсон. Өдгөө 27 настай Эдуардо Рамирез одоогийн байдлаар нийт 28 тулаан хийн 23 ялж, хоёр ялагдаж, гурав тэнцсэн үзүүлэлттэй аж. Эдуардо Рамирезын хувьд шинэчлэгдсэн чансаанд дөрөвдүгээр байранд бичигджээ.
