Улаанбаатар-Зүүнхараа чиглэлийн ачааны 2557 дугаар галт тэргэнд энэ сарын 17-ны 14.00 цагт Сонгинохайрхан дүүргийн 21 хороо Ногоон толгой орчим зусаж байсан малчин Б-н 15 тооны бог мал төмөр замын хориг хашаанд орж галт тэргэнд дайрагдан галт тэргийг саатуулсан байна.
Галт тэрэг нь олон тооны жинтэй ачаа тээвэрлэж яваа том хөдлөх механизм нь тээврийн хэрэгсэл шиг тэр даруй зогсох буюу эгнээ байраа өөрчлөх боломжгүй, яаралтай тормоз хийхэд 800-1000 м газрыг туулж байж зогсдог байна.
Иймд малчдыг малаа төмөр замын аюултай бүсээс холуур бэлчээх, малаа хариулгагүй орхихгүй байхыг Цагдаагийн байгууллагаас анхаарууллаа.
Дээрх зөрчилд Зөрчлийн тухай хуулийн 14.10 дугаар зүйлийн дагуу нэг зуун тавин нэгжтэй тэнцэх хэмжээний төгрөгийн торгууль ногдуулах ажээ.
