Хэнтий аймгийн Цэнхэрмандал сумын төвөөс хойд зүгт 40 км-т орших “Баянт” гэдэг газар 8 хүн жимс түүж явснаас 42 настай эрэгтэй Б, 35 настай эрэгтэй Б, 25 настай эрэгтэй У нар энэ сарын 16-ны өдрийн 13:00 цагийн орчим сураггүй болсон байна.
Энэ тухай дуудлагыг наймдугаар сарын 18-ны өдрийн 10:00 цагт хүлээн авч, тус сумын Байгаль орчны улсын байцаагчаар ахлуулсан орон нутгийн 12 иргэн, нэг автомашинтай эрэн хайх ажиллагааг зохион байгуулжээ.
Улмаар наймдугаар сарын 18-ны өдрийн 16:10 цагт сураггүй болсон газраас зүүн зүгт 8 км-т “Баянт” уулын модон дотроос эсэн мэнд олж, ар гэрийнхэнд нь хүлээлгэн өгсөн байна.
