Азийн топ модель, жүжигчин О.Мөнхдалайг “Хувьсал” продакшны кино, уран бүтээлүүдээр үзэгчид андахгүй болсон. Урлагийн залуу маань Шадар сайдын зөвлөхөөр томилогдсон байх юм. Одоогоор түүний боловсрол, мэдлэг, төрд ажилласан туршлага ч тодорхойгүй байгаа юм. Өнөөдөр Шадар сайдын албан тушаалыг Я.Содбаатар хашиж байгаа билээ.
Түүнийг эхнэр, гурван хүүхдээсээ салсан гэх бөгөөд сүүлийн үед дуучин А.Хишигдалай-тай нэр холбогдож хамтран амьдардаг гэх мэдээллүүд хэвлэл мэдээллээр нилээдгүй цацагдсан.
Тус албан тушаалд очиход МАН-ын дэргэдэх Нийгмийн Ардчилал Монголын Залуучуудын Холбоо /НАМЗХ/ багагүй нөлөөлсөн байж болзошгүй байна. Учир нь тэрээр тус холбоонд харьяалагддаг ажээ. Тус холбооноос МАН-ын зарим гишүүд улс төрийн амьдралаа эхлүүлсэн гэдэг. Тухайлбал, У.Хүрэлсүх, Л.Оюун-Эрдэнэ, Д.Гантулга зэрэг олон залуусыг дурдаж болно.
