“Дэлхийн хуримтлалын аян-2026” орон даяар үргэлжилж байна. “Мэдээллийг AI-аас – Шийдвэрийг Та өөрөө”
“Дэлхийн хуримтлалын өдөр – 2026” арга хэмжээ 2026 оны 10 дугаар сарын 23-ны өдөр Улаанбаатар хотноо амжилттай зохион байгуулагдлаа.
Тус арга хэмжээнд Улсын Их Хурлын гишүүн Н.Батсүмбэрэл, Монголбанкны Тэргүүн Дэд Ерөнхийлөгч Э.Анар, Санхүүгийн зохицуулах хорооны дарга Т.Жамбаажамц, Хадгаламжийн даатгалын корпорацийн Гүйцэтгэх захирал Б.Ариунболд, Монголын банкны холбооны Гүйцэтгэх захирал Л.Амар нар оролцож, хүүхэд, залууст өөрсдийн туршлагаасаа хуваалцан, санал бодлоо солилцлоо.
Энэ жилийн аяны “Мэдээллийг AI-аас – Шийдвэрийг Та өөрөө” уриа нь хиймэл оюун ухааны эрин үед санхүүгийн зөв мэдээллийг олж авах, түүний үнэн зөв, найдвартай байдлыг нягтлан шалгах, улмаар өөрийн хэрэгцээ, зорилгод нийцсэн санхүүгийн шийдвэрийг бие даан гаргахын чухлыг онцолж байна.
Иргэн бүр санхүүгийн мэдлэг, ур чадвараа дээшлүүлж, хуримтлалын зөв дадлыг хэвшүүлэн, өнөөдрийн зөв шийдвэрээрээ маргаашийнхаа санхүүгийн баталгааг бүтээцгээе.
#20саятөгрөгдаатгагдсан
#ДэлхийнХуримтлалынӨдөр2026
#МэдээллийгAIаасШийдвэрийгТаӨөрөө
#Хуримтлал #СанхүүгийнБоловсрол #ХадгаламжийнДаатгал
Сэтгэгдэл бичих