Хятад улс өнгөрсөн Даваа гаригаас эхлэн Европын 36 улсад хилээ нээжээ.
Үүнд: Албани, Ирланд, Эстони, Австри, Болгар, Умард Македон, Бельги, Исланд, Польш, Дани, Герман, Франц, Финлянд, Нидерланд, Монтенегро, Чех, Хорват, Латви, Люксембург, Румын, Малта, Норвеги, Португал, Швед, Швейцарь, Серби, Кипр, Словак, Словени, Испани, Грек, Унгар, Итали болон Их Британи гэсэн улсууд багтаж байна.
Гуравдугаар сарын сүүлээр Хятад улс гадаадын бүх улстай хилээ хаасан бөгөөд эхний ээлжинд коронавирусийн халдварын тохиолдол багатай орнуудад хилээ нээж байгаа юм. Үүнээс өмнө эдийн засаг, худалдаа, шинжлэх ухаан, технологийн эсвэл хүмүүнлэгийн салбарт ажилладаг, зайлшгүй шаардлагатай гадаадын иргэдийг маш хатуу журмын дагуу хилээрээ нэвтрүүлж байсан аж.
Дээрх орноос БНХАУ-руу нэвтрэх хүмүүст 14 хоногийн тусгаарлалтад байлгах журам хэвээр үйлчлэх төдийгүй хил хаахаас өмнө Хятадын виз авсан хүмүүсийн виз хүчингүй болох бөгөөд тус улс руу нэвтрэх хүсэлтэй хүмүүс шинээр визийн материал мэдүүлэх шаардлагатай аж.
