ОХУ-ын ЭМЯ коронавирусийн эсрэг анхны вакциныг дэлхийн улс орнуудаас хамгийн түрүүнд бүтээж, хэрэглэхийг зөвшөөрч байгаагаа зарласан билээ. Түүнчлэн Владимир Путины охин уг вакциныг өөр дээрээ сайн дураар туршсан нь амжилттай болж бага зэрэг халуурч, сөрөг урвал үзүүлсэн ч эргээд хэвийн болсон тухай Путин ярьсан байна.
Эхний ээлжинд уг “Спутник-V” вакциныг дотоодын хэрэгцээг хангах хэмжээнд үйлдвэрлэх ба Оросын Шууд хөрөнгө оруулалтын сан нь вакциныг гадаад руу гаргах талаар олон улс орнуудтай хэлэлцээ хийж байгааг онцолсон юм.
Вакцины аюулгүй байдлын талаар дурдахад олон арван жилийн турш судлагдсан, шинжлэх ухааны платформ дээр суурилан бүтээгдсэн учир аюулгүй. Энэхүү платформыг генийн эмчилгээнд зориулан 25 жилийн турш хөгжүүлж, судалсан бөгөөд 2014 оноос сүүлийн жилүүдэд хурдацтай хувьсан өөрчлөгдөж буй вирусуудтай тэмцэх эм үйлдвэрлэхэд ашиглаж байсан. Эбола вирусийн эсрэг вакциныг маш богино хугацаанд 15 сарын хугацаанд бий болгоход бидний ашиглаж буй энэ платформ маш чухал үүрэг гүйцэтгэсэн. Хожим ДЭМБ ч энэ амжилтыг өндрөөр үнэлсэн байна.
