Бүгд Найрамдах Солонгос улсын нийслэл Сөүл хотын төвд байрлах ‘Намдэмүн’ зах нь Солонгосчуудад төдийгүй гадны жуулчдад ч нэртэй танил газар юм. Энэхүү захад өдөр тутмын бүх бараа бүтээгдэхүүнийг худалдаалдаг Солонгосын хамгийн том зах бөгөөд энэхүү захад Ковид-19 вирус дэгдээд байна.
Тодруулбал, Эмэгтэйчүүдийн хувцас хэрэгслийн ‘Kennedy Complex’ төвд ажилладаг НАЙМАН худалдагчаас коронавирусийн халдвар илэрсэн байна. Мөн нэг эмэгтэй худалдагч хүүхэддээ дамжуулсан нь тодорхой болжээ.
Сөүл хотын захиргаанаас ‘Kennedy Complex’ дэлгүүрээр үйлчлүүлсэн бүх худалдан авагч, иргэдийг яаралтай шинжилгээ өгөхийг уриалаад байгаа юм.
