Амьдрахад хамгийн таатай хотоор Копенгаген шалгарлаа

Дэлхий ертөнц хурдацтай хөгжиж байгаа ч зарим зүйлс хэвээр байгаа нь таатай юм шиг. Ядаж л амьдрахад хамгийн тааламжтай хот одоог хүртэл тааламжтай хэвээр байгаа нь. Тухайлбал, Economist Intelligence Unit (EIU)-ийн жагсаалтад Копенгаген хот хоёр дахь жилдээ амьдрахад хамгийн тааламжтай хотоор шалгарчээ. Үүнээс өмнө Австрийн Вена хот гурван жил дараалан нэгдүгээр байрт шалгарч байсан юм. “The Economist” сэтгүүлийн охин байгууллага болох “EIU” нь боловсрол, тогтвортой байдал, эрүүл мэнд, дэд бүтэц, соёл зэрэг олон хүчин зүйлээр дэлхийн 173 хотыг эрэмбэлжээ. Улмаар Копенгаген хот тогтвортой байдал, дэд бүтэц, боловсрол зэрэг гурван ангилалд “төгс” оноо авсан.

ӨНДӨР ЧАНАРТАЙ ҮЙЛЧИЛГЭЭ

Энэ жил жагсаалтын зарим байр өөрчлөгдсөн нь олны анхаарлыг татаад байна. Тодруулбал, АНУ-ын Нью-Йорк хот гурван байр ахиж, 66-д жагсжээ. Энэ нь гэмт хэргийн түвшин буурч, террорист халдлагын эрсдэл багасан тогтвортой байдлын үзүүлэлт сайжирсантай холбоотой юм. Харин Хонолулу хоёр байр ухарсан ч 25-р байрт жагсаж, АНУ-ын хамгийн өндөр үнэлгээтэй хот хэвээр үлджээ.

Хойд Америкт Канадын Ванкувер хот есдүгээр байрт орсноор дэлхийн эхний 10-т багтсан бүс нутгийн цорын ганц хот болсон байна. Данийн Копенхаген хот дэлхийн амьдрахад хамгийн таатай хотоор шалгарсан.

Судалгааг гаргасан байгууллагын төлөөлөгчийн хэлснээр, Копенхаген тогтвортой байдал, хөгжсөн дэд бүтэц, соёл, хүрээлэн буй орчин, төрийн үйлчилгээний чанараараа тэргүүлсэн байна.

Австралийн Мельбурн нэг байр ахиж гуравт, Сидней хоёр байр урагшилж дөрөвт жагсжээ. Өнгөрсөн жил Венатай хамт хоёрдугаар байрыг хувааж байсан Швейцарын Цюрих энэ жил тавдугаар байр руу ухарсан бол Женев зургаа, Японы Осака долдугаар байраа хадгалжээ. Австралийн Аделаид наймдугаарт, Японы Токио аравдугаар байрт орсон байна.

Харин Ойрхи Дорнодын хотуудын хувьд Ирантай хийж буй барууны дайны нөлөө тогтвортой байдлын үнэлгээнд сөргөөр нөлөөлжээ. Хамгийн их ухарсан хотуудын нэг нь Оманы нийслэл Маскат бөгөөд 14 байр ухарч 123-т, Кувейт хот 12 байр ухарч 105-д жагссан байна.

Мөн Их Британи өнгөрсөн жил үймээн самуун, эмх замбараагүй байдлын улмаас буурсан үнэлгээгээ сэргээжээ. Манчестер 52-р байрт жагсаж, тус улсын хамгийн өндөр үнэлгээтэй хот болсон бол Лондон 54-т, Эдинбург 64-т бичигдсэн байна.

ЭРҮҮЛ МЭНДИЙН САЛБАРЫН АХИЦ

Баруун Европ амьдрахад хамгийн таатай бүс нутаг хэвээр үлдсэн ч дундаж оноо нь 2025 оны 91.8-аас 91.7 болж бага зэрэг буурчээ. Харин Азийн дундаж оноо 0.3 нэгжээр өсөж, 73.9-д хүрсэн байна. Энэ өсөлтөд Хятадын эрүүл мэндийн үйлчилгээний үнэлгээ сайжирсан нь нөлөөлсөн байна. Тухайлбал, Хятадын зүүн өмнөд хэсэгт орших Фүжөү хотын эрүүл мэндийн үйлчилгээний үзүүлэлт сайжирсны үр дүнд долоон байр ахиж, 93-р байрт жагссан байна.

“EIU”-ийн мэдээлснээр, Хятад улс эрүүл мэндийн салбартаа илүү их хөрөнгө оруулж, урт хугацааны асаргааны даатгалын шинэ тогтолцоо нэвтрүүлсний үр дүнд эрүүл мэндийн үйлчилгээ сайжирсан гэж үнэлсэн. Улмаар Хятадын хотуудын эрүүл мэндийн үзүүлэлтийн оноо энэ жилийн чансаанд эерэгээр нөлөөлсөн байна.

Харин Сирийн Дамаск хот дэлхийн амьдрахад хамгийн тохиромжгүй хот хэвээр үлдсэн байна.

Жагсаалтын доод хэсэгт мөн өөрчлөлт гарчээ. Ирантай холбоотой дайны нөлөөгөөр Ираны нийслэл Тегеран 164-р байр хүртэл ухарсан бол, Украины Киев хот 166-р байрт бичигдсэн байна. “EIU”-ийн салбар хариуцсан захирал Ана Николлс хэлэхдээ, “Дэлхийн хэмжээнд амьдрах нөхцөлийн дундаж оноо өнгөрсөн жилийнхтэй ижил түвшинд байна. Учир нь Ойрхи Дорнод дахь тогтвортой байдлын үзүүлэлт буурсан ч Азийн эрүүл мэндийн үйлчилгээ сайжирсан нь 173 хотын нийт үнэлгээг харилцан тэнцвэржүүлсэн” гэв. Тэрбээр мөн Азийн хотуудын оноо өссөнөөр дэлхийн шилдэг 20 хотын ес нь Ази тивд, долоо нь Европт байгааг онцоллоо.

Шилдэг 10 хот: