ОХУ Монгол Улсад нийлүүлэх шатахууны үнийг нэмэхгүй байх асуудлаар нааштай хариу өгсөн талаар мэдээлэл гарлаа.
Ойрх Дорнодод үүссэн мөргөлдөөний улмаас дэлхийн зах зээлд шатахууны нийлүүлэлтэд доголдол үүсэж, үнэ өсөх хандлага ажиглагдаж буй. Үүнтэй холбоотойгоор Монгол Улсын Ерөнхий сайд асан Г.Занданшатар Михаил Мишустин-д хүсэлт хүргүүлсэн байна.
Тэрбээр газрын тосны зах зээлд эрэлт, нийлүүлэлтийн зөрүү, үнийн савлагаа үүсэж буй нөхцөлд Монгол Улсад нийлүүлэх шатахууны үнийг нэмэхгүй, тогтвортой байлгахыг хүссэн юм.
Гуравдугаар сарын 10-нд хүргүүлсэн уг хүсэлтийн хариу өнөөдөр ирсэн бөгөөд ОХУ-ын талаас шатахууны үнийг тогтворжуулах асуудлыг ойрын хугацаанд шийдвэрлэнэ гэж мэдэгдсэн байна.
Сэтгэгдэл бичих